पुष २९,अछाम
साँफेबगर नगरपालिकामा पालिका स्तरीय पुरुष भलिवल प्रतियोगिता हुने भएको छ । साँफेबगर नगरपालिका नगर खेलकुद विकास समितिको आयोजनामा प्रतियोगिता यहि माघ २ गतेदेखि साँफेबगरमा सञ्चालन हुनेछ । प्रतियोगितामा प्रथम पुरस्कार २ लाख ५१ हजार,द्धितिय पुरस्कार १ लाख ५१ हजार,तृतीय पुरस्कार ७५ हजार रहको छ । यसैगरी खेलमा अन्य विधा तर्फ नगद पुरस्कार रहेको नगर खेलकुद विकास समितिका अध्यक्ष अनिल कुँवरले जानकारी दिए । प्रतियोगितामा सर्वोत्कृष्ट खेलाडी पुरस्कार ५ हजार,वेष्ट लिवेरो पुरस्कार ३ हजार,वेष्ट सटर पुरस्कार ३ हजार,वेष्ट मिडिल ब्लकर पुरस्कार ३ हजार,वेष्ट सर्भर पुरस्कार ३ हजार,वेष्ट स्पाईकर पुरस्कार ३ हजार रहेको छ । प्रतियोगिताका लागी टीम दर्ता शुल्क ८ हजार र टीम दर्ता गर्ने अन्तिम मिति यहि माघ २ गते मध्यान्न १२ बजेसम्म रहेको छ । टीममा पालिका भन्दा बाहिरका बढीमा २ जना खेलाडीहरु सहभागी गराउन सकिने आयोजकले जनाएको छ । प्रतियोगिताको उद्घाटन सुदूरपश्चिम प्रदेशका पुर्व भौतिक विकास मन्त्री माननिय प्रकाशबहादुर देउवाले गर्ने कार्यक्रम रहेको छ ।
