पुष २४ अछाम ।
साँफेबगर नगरपालिका –१४ पातलकोटका महिला तथा किशोरीहरुलाई न्यानो लुगा र सेनेटरी प्याड वितरण गरिएको छ । पातलकोटका १४ जना सुत्केरी न्यानो लुगा र १६ जना किशोरीहरुलाई सेनेटरी प्याड वितरण गरिएको हो । समविकास नेपालको सहयोगमा पातलकोटका सुत्केरीलाई ब्ल्याङकेट,बच्चालाई लुगा र किशोरीहरुलाई प्याड वितरण गरिएको समविकास नेपालको हाम्रो पहिचान परियोजना प्रमुख पवन गिरीले जानकारी दिईन् । पातलकोटमा रहेका अति विपन्न महिला र किशोरीहरुलाई उक्त सामाग्री वितरण गरिएको गिरीले बताईन् । पालतकोटमा आज एक कार्यक्रमको आयोजना गरी न्यानो लुगा र सेनेटरी प्याड वितरण गरिएको हो । समविकास नेपालका सचिब रुपा नेपालको अध्यक्षतामा भएको कार्यक्रममा प्रमुख अतिथि वडा अध्यक्ष संन्जु थापा रहेका थिए । कार्यक्रममा समविकास नेपालका कार्यक्रम संयोजक रन्जना ज्ञावली, सामाजिक परिचालक दिलकुमारी सुनार लगायतको सहभागीता रहेको थियो ।