माघ १२ अछाम
ढकारी गाउँपालिका ८ की दुई जना किशोरी मृत अवस्थामा भेटिएका छन् । छिन्ने वडार जंगलमा चराउन गएकी दुई किशोरी हिजो देखि सम्पर्क विहिन भएकी थिइन् । शनिवार साँझ सरस्वती खड्का र ईश्वरी खड्काको शव फेला परेको प्रहरीले जनाएको छ । प्रहरीलाई साझ ६ बजेपछि खबर प्राप्त भएकाले घटनाको विस्तृत विवरण आउन बाँकी रहेको डीएसपी ईश्वरी प्रसाद भण्डारीले बताए । घटनास्थलमा ढकारी प्रहरी चौकीबाट प्रहरीका टोली खटाईएको उनले बताए ।