माघ ३ अछाम
साँफेबगरमा जारी पालिका स्तरिय खुल्ला पुरुष भलिबल प्रतियोगिताको तेस्रो दिन आज बिहान भएको दोस्रो खेलमा बान्नीगढी जयगढ गाउँपालिका विजयी भएको छ ।
प्रतियोगितामा बयालपाटा र बान्नीगढी जयगढ गाउँपालिका बिच भएको थियो । बयालपाटालाई २–० को सोझो सेटमा हराउदै बान्नीगढीले जितेको छ । लगातार पहिलो सेट २५–१६ र दोस्रो सेट २५–२१ ले बयालपाटालाई बान्नीगढीले पराजय गरेको हो ।
आजको तेस्रो खेल डोटीको आर्दश गाउँपालिका र डडेल्धुराको नवदुर्गा गाउँपालिकाका बिच चलिरहेको छ । प्रतियोगितामा अछाम लगायत डोटी, बाजुरा, डडेल्धुरा, कालिकोट, बझागका गरी १२ वटा टीमको सहभागीता रहेको छ । प्रथम पुरस्कार २ लाख ५१ हजार,द्धितिय पुरस्कार १ लाख ५१ हजार र तृतिय पुरस्कार ७५ हजार रहेको छ ।