माघ ३ अछाम
साँफेबगरमा जारी पालिका स्तरिय खुल्ला पुरुष भलिबल प्रतियोगिताको तेस्रो दिन आज बिहान भएको खेलमा मेल्लेख विजयी भएको छ । प्रतियोगितामा डोटीको शिखर नगरपालिका र मेल्लेख गाउँपालिका बिच भएको खेलमा मेल्लेखले जितेको हो । शिखरलाई २–० को सोझो सेटमा हराउदै मेल्लेखले जितेको छ । पहिलो र दोस्रो लगातार दुई सेट मेल्लेखले जितेको हो । पहिलो सेट २५–१४ र दोस्रो सेट २५–२०ले मेल्लेखले जितेको छ ।
आजको दोस्रो खेल अछामको बान्नीगढी जयगढ गाउँपालिका र बयालपाटा बिच भईरहेको छ । प्रतियोगितामा अछाम लगायत डोटी, बाजुरा, डडेल्धुरा, कालिकोट, बझागका गरी १२ वटा टीमको सहभागीता रहेको छ ।
