अछाम पुष २४
चौरपाटी गाउँपालिकाका जनप्रतिनिधि तथा सरोकारवालाहरुले बालविवाह रोकथामका लागी सबै पक्ष प्रतिबद्ध भएर लाग्नुपर्नेमा जोड दिएका छन् । समविकास नेपालद्धारा सञ्चालित हाम्रो पहिचान परियोजना अन्तर्गत बुधवार पालिकामा आयोजित लैङ्गिक समानता र बालविवाह रोकथामका लागी जनप्रतिनिधि तथा धर्म गुरुहरुसंगको एकदिने संवाद कार्यक्रममा सहभागी सरोकारवालाहरुले सामाजिक रुपान्तरणको क्षेत्रमा निरन्तर अभियान सञ्चालन गर्नुपर्ने बताएका छन् । कार्यक्रममा चौरपाटी गाउँपालिका अध्यक्ष भीमबहादुर साउदले वालविवाह,बहुविवाह रोकथाम,छाउपडि कुप्रथा अन्त्यको अभियानमा सबै सरोकारवालाहरुले अन्तरआत्मा देखि नै लागे मात्र सम्भव भएको बताए । अध्यक्ष साउदले यसका लागी पालिकाले प्रर्याप्त बजेट विनियोजन गर्दे आईरहेको र बालविवाह अन्त्य महिला हिंसा अन्त्यका लागी विभिन्न कृयाकलापहरु सञ्चालन भईरहेको बताए । अध्यक्ष साउदले गत आर्थिक वर्षमा पालिका भित्रका १९ वर्षमुनिका ४५ जना गर्भवति रहेको स्वास्थको तंथाकमा रहेको बताए ।
उपाध्यक्ष सरदेवि खड्काले गाउँघरमा हिंसाका घटनाहरु घटेपनि न्यायिक समितिसम्म नपुग्ने गरेको बताईन् । दुर्गमका महिलाहरुको स्वास्थलाई मध्य स्वास्थ शिविर सञ्चालन गरेको बताईन् । उपाध्यक्ष खड्काले महिला,बालबालिका,दलितको क्षेत्रमा विभिन्न कार्यक्रमहरु सञ्चालन भएको बताईन् ।
चौरपाटी गाउँपालिका ५ का लुंग्राका वडाअध्यक्ष हिमकर्ण खड्का र वडा नम्बर ४ पायलका वडाअध्यक्ष लालबहादुर धामीले वडामा बालविवाह न्युनिकरणका लागी बाल क्लब,महिला संजालहरु मार्फत जनचेतना मुलक कार्यक्रमहरु गर्दे आएको बताएका छन् ।
दयापिपल तोला माविका प्रधानाध्यापक प्रेम खड्का र बैजनाथ माविका शिक्षक नरेन्द्र खड्काले विद्यालयमा छात्र भन्दा छात्राको संख्या बढिरहेको बताउदै विद्यालयका अतिरिक्त कृयाकलापहरु मार्फत बालविवाह गर्दा हुने बेफाईदा र असरहरुका विषयमा जानकारी गराउदै आएको बताए ।
कार्यक्रममा सहभागी किशोरीले अभिभावकहरुले आफ्ना बालबालिकाहरुलाई बिषेश ध्यान दिनुपर्ने बताईन् । उनले सानै उमेर अभिभावकहरुले मोवाईल प्रयोगका लागी बालबालिकाहरुलाई दिने गरेकाले यसको दुरुपयोग बढेको बताईन् । उनले पछिल्लो समय प्रविधिको बढ्दो दुरुपयोगका कारण पनि बालविवाहका घटना बढ्दै गएकाले प्रविधिको सदुपयोगमा जोड दिनुपर्ने बताईन् । कार्यक्रममा पालिका स्तरिय महिला संजालका अध्यक्ष क्षेत्र खड्काले पालिकासंग सहकार्यमा संजाल मार्फत भईरहेको कृयाकलापहरुका बारेमा जानकारी गराईन् ।
कार्यक्रममा कार्यपालिका सदस्य कौशी कुँवर,भरत विक,नेपाली कांग्रेसका धनबहादुर धामी,नेकपा माओवादीका माति सिंह धामी,सिउडि प्रहरी चौकीका प्रतिनिधि,वडा सचिबहरु दलबहादुर डागी,क्षितिज नेपाली,वडा स्तरिय महिला संजालका प्रतिनिधि लगायतले बालविवाह रोकथामका लागी व्यक्तिगत र संस्थागत रुपमा भईरहेका प्रयासहरुका बारेमा जानकारी गराएका थिए ।
संवाद कार्यक्रमको सहजीकरण पत्रकार गीता कुँवरले र संचालन परियोजना प्रमुख पवन गिरीले गरेकी थिइन् ।समविकास नेपालका सचिब रुपा नेपालको अध्यक्षतामा भएको कार्यक्रममा स्वागत मन्तव्य संस्थाका सामाजिक परिचालक दिलकुमारी सुनारले राखेकी थिईन् ।
