भगवती कुँवर,अछाम पुष १३
अछाम जिल्लाको मुख्य व्यापारी केन्द्रमा रहेको साँफेबगर नगरपालिकाले नगर प्रहरी भर्ना गर्ने भएको छ ।नगर कार्यपालिकाको गत मंसिर १८ गते सम्पन्न द बैठकको निणर्य अनुसार नगरपालिकाले नगर प्रहरीको लागी आवेदन खुल्ला गरेको छ।शुक्रबार सुचना प्रकाशित गर्दै १ जना नगर प्रहरी प्रमुख,३ महिला सहित ९ जना नगर प्रहरी जवानको लागी आवेद खुलाएको हो।
ईच्छुक नेपाली नागरिकहरुलाई यहि पौष २६ गते सम्म कार्यलयको समय अवधि भित्र दरखास्त पेश गर्न सुचना मार्फत अनुरोध गरिएको छ। नगर प्रहरी प्रमुख १ जनाको लागी २५ वर्ष पुरा भई ४५ वर्ष ननाघेको शैक्षिक योग्यता एस।इ।इ वा सो सरह उतीर्ण भएको हुनु पर्ने छ भने,९ जना नगर प्रहरी जवानको लागी उमेर १८ वर्ष पुरा भई ३५ वर्ष ननाघेको,महिलाको हकमा ४० वर्ष ननाघेको र शैक्षिक योग्यता ८ कक्षा उतिर्ण गरेको हुनु पर्ने जनाएको छ।
नेपालको संविधान २०७२ को अनुसुची ८ ले स्थानिय तहलाई नगर प्रहरी स्थापनाको लागी एकल अधिकार दिएको छ। यसैविच नगर प्रहरीको लागी नगर सभाको १० अधिवेशनबाट नगर प्रहरी सम्बन्धमा व्यवस्थापन गर्न बनेको विधयक २०७९ मा पारित गरिएको थियो।नगरपालिकाका नागरिकको जीउधनको सुरक्षा गर्दै न्याय,सुरक्षा तथा व्यवस्थापन प्रत्याभुति दिन,नगर क्षेत्र भित्रका प्राकृतिक,कला सांस्कृतिक सम्पदाको संरक्षण गर्न,विपदजन्य घटनाको तत्काल सम्बोधन र समन्वय गर्न र बजार क्षेत्रको प्रभावकारी व्यवस्थापन गर्नमा नगर प्रहरीले भुमिका खेल्ने अपेक्षा गरिएको छ।