भदौ १८ भगवती कुँवर
अछामको साँफेबगर नगरपालिकामा हिन्दु महिलाहरुको महान चाड हरितालिका तिजको अवसरमा एकल ठाडी भाका र न्याउले खेल प्रतियोगीता कार्यक्रम हुने भएको छ ।
साँफेबगर नगरपािलका महिला तथा बालबालिका शाखाको आयोजनामा भाद्र १९ गते बुधवार नगरपालिकाको प्रांगणमा एकल ठाडी भाका र न्याउले खेल प्रतियोगीता हुने भएको हो । प्रतियोगीतामा नगरपालिकाका १४ वटै वडाका महिला दिदि बहिनिहरुलाई सहभागी हुन अनुरोध गरिएको छ । एउटा वडाबाट एकल ठाडी भाका का लागि १ जना महिला र न्याउले खेलका लागि ८ जना महिलाहरुको समुहको टिम भदौ १९ गते बिहान १० बजे सम्म दर्ता गराउन सुचानामा भनिएको छ । न्याउले खेलमा स्थानिय पोशाक लगाउनु पर्ने र स्थानिय लोक संस्कृतिको जर्गेना तथा महिलाका हक,अधिकार सम्बन्धि बिषयवस्तु समेटेको हुनु पर्ने भएको छ ।
प्रतियोगीता कार्यक्रममा प्रथम हुने टिमलाई ७ हजार,दित्तीयलाई ५ हजार, तृतियलाई ४ हजार र सान्त्वना हुने टिमलाई ३ हजार पुरुस्कार प्रदान गरिने भएको छ भने एकल ठाडी भाकामा प्रथम हुनेलाई ४ हजार, दित्तीयलाइ ३ हजार,तृतियलाई २ हजार र सान्त्वनालाई १५ सय पुरुस्कारको व्यवस्था गरिएको छ।
