असार ११,अछाम
साँफेबगर नगरपालिका वडा नं १ बैजनाथले जेष्ठ नागरिकहरुलाई सम्मान गरेको छ । वडाले आज एक कार्यक्रमको आयोजना गरी जेष्ठ नागरिकहरुलाई दोसल्ला ओढाई सम्मान गर्नुका साथै छाता र केहि खानेकुरा वितरण गरेको वडा सदस्य प्रेमनाथ योगीले जानकारी दिए ।
वडामा रहेका ७५ जना जेष्ठ नागरिकहरुलाई सम्मान गरिएको वडा सदस्य योगीले बताए । जेष्ठ नागरिकहरु वडाका अभिभावकहरु भएकाले उनीहरुको सुझाब सल्लाहका साथै गुनासो सुन्ने उदेश्यका साथ आयोजना गरिएको कार्यक्रममा हौसला र सम्मान स्वरुप दोसल्ला ओढाई सम्मान गरिएको र केहि आवश्यक समाग्री वितरण गरिएको वडाअध्यक्ष नन्दसिह ठकुल्लाले बताए । कार्यक्रममा जेष्ठ नागरिकको तर्फबाट भीमबहादुर शाहले जेष्ठ नागरिक सम्मान कार्यक्रमले आफुहरुलाई हर्षित बनाएको बताए । उनले वडालाई जेष्ठ नागरिक सम्मान कार्यक्रमलाई निरन्तरता दिन सुझाब दिनुका साथै वडालाई धन्यवाद समेत दिए ।
कार्यक्रममा वडा सदस्यहरु पुर्णबहादुर शाह,मय नेपाली,गोयला धामीको उपस्थिति रहेको थियो । कार्यक्रमको सञ्चालन वडा सचिब शोभिात कुमारी शाहले गरेकी हुन् ।
