भगवति कुँवर भदौ २८ अछाम
अछाम जिल्लामा बुधवार राति देखि निरन्तर वर्षा भईरहेकाले सतर्कता अपनाउन जिल्ला प्रशासन कार्यालयले अछामले आग्रह गरेको छ । जल तथा मौसम विज्ञान विभाग,मौसम पुर्वानुमान महाशाखाबाट जारी भएको सुचनामा सुदुरपश्चिम प्रदेशका अछाम सहितका विभिन्न जिल्लाहरुमा २७ गते बिहिवार देखि २९ गते शनिबारसम्म भारी तथा अतिभारी वर्षा हुने पुर्वानुमान गरेको थियो । यद्यपि अछाम जिल्ला लगाएत देशका धेरै स्थानमा बुधवार राती देखिनै निरन्तर वर्षा हुन थालेको छ।
भारी तथा अति भारी वर्षाले पहाडी भुभागमा भु–क्षय,पहिरो तथा गेग्रान बहावको जोखिम निम्त्याउने र भिरालो जमिन,नदि नाला,खहरे खोला आसपास बसोबास गर्ने जनसमुदायमा उच्च सतर्कता अपनाउन अनुरोध गरेको छ ।साथै विपद जन्य घटना घटेमा वा घट्न सक्ने सम्भावना देखिमा सुरक्षित स्थानमा बस्न र वुद्धवुद्धा, बालबालिका, गर्भवती र फरक क्षमता भएका व्यतिmहरुलाई सुरक्षित स्थानमा सार्न आश्यिक सहयोग गर्न सरोकारवाला सबैमा अनुरोध गरिएको छ।
यस्तै तत्काल खोज,उद्धार,राहत र आवश्यक अन्य सहयोग लागी नजिकैको ईलाका प्रहरी कार्यलय,जिल्ला आपतकालिन केन्द्र, जिल्ला प्रशासन कार्यालय र जिल्ला प्रहरी कार्यालयमा सम्पर्क गर्न आग्रह गरिएको छ ।
