भगवति कुँवर,असोज ४ अछाम
साँफेबगर नगरपालिका भित्रका सम्पुर्ण विद्यालयहरु आज बन्द रहने छन् । विहिवार नेपाल शिक्षक महासंघ साफेबगर नगरकार्यसमितिको बसेको बैठकले साँफेबगर नगरपालिका ८ चन्डिकाको नवदुर्गा आधारभुत विद्यालयमा कार्यरत शिक्षक रमेशबहादुर कुँवरको निधन प्रति शोकप्रति शोक प्रस्ताव पारित गर्दे आज विद्यालय बन्द गर्ने निर्णय गरेको हो । कुँवरको यहि भदौ २२ गते निधन भएको थियो ।
बैठकमा संविधान दिवस तथा राष्ट्रिय दिवसकोे शुभकामना आदानप्रदान गरिएको छ भने राष्ट्रिय शिक्षा दिवस २०८१ को राष्ट्रिय शिक्षा पुरस्कार प्राप्त गरेका सुर्यचन्द्र मावि कालीकाटीका प्रध्यानाध्यापक देवेन्द्रबहादुर शाहलाई बधाई ज्ञापन गरिएको थियो। शिक्षक महासंघ नगर समिति अध्यक्ष उमाकान्त जोशीको अध्यक्षतामा सम्पन्न भएको बैठकमा सुर्यचन्द्र माविका प्रध्यानाध्यापक देवेन्द्रबहादुर शाह प्रमुख अथिति रहेका थिए ।
बैठकमा नेपाल शिक्षक संघ साँफेबगर नगर कार्यसमिति अध्यक्ष शंकरबहादुर कुँवर,नेपाल राष्टिय शिक्षक संगठन नगरकमीटी अध्यक्ष जानकी देवि कुँवर,प्रगतीशिल नगर शिक्षक संगठन नगर उपाअध्यक्ष जनक रावल, शिक्षक महासंघ साँफेबगर नगर समितिका सम्पुर्ण पदाधिकारीको उपस्थिति रहेको थियो ।बैठकको सञ्चालन शिक्षक मासंघका सचिव देवेन्द्र बुढाले गर्नु भएको थियो ।
