अछाममा लागुऔषध सहित ३ जना पक्राउ परेका छन् । जिल्लाको ठुलासैनबाट एक जना र गैरीटाडबाट २ जना गरी ३ जनालाई प्रहरीले लागुऔषधसहित पक्राउ गरेको हो ।
मंगलसेन नगपालिका ६ स्थित ठुलासैन सडकखण्डमा शंकास्पद अवस्थामा हिडिरहेको अवस्थामा खानतलासी गर्दा डोटीको दिपायल शिलगढी नगरपालिका ५ स्थायी घर भई मंगलसेन नगरपालिका ५ मा बस्दै आएका २३ वर्षिय अरुण जंग टेलर लागुपदार्थ सहित पक्राउ परेको जिल्ला प्रहरी कार्यालय अछामले जनाएको छ । अस्थायी प्रहरी पोष्ट ठुलासैनबाट खटिएको प्रहरी टोलीले उनको साथबाट लागुऔषध चरेस जस्तो देखिने ठोस पदार्थ १ दशमलव ५ सय ४० ग्राम बरामद गरिएको छ । पक्राउ परेका टेलरलाई हिरासतमा राखी थप अनुसन्धान थालिएको छ । यस्तै जिल्लाको गैरीटाड बजारबाट पनि २ जना लागुऔषध सहित पक्राउ परेका छन् । कमलबजार नगरपालिका ५ कुईका घर भई वडा नम्बर ६ गैरीटाड बजारमा पसल सञ्चालन गर्दै आएका ६७ वर्षिय गोरे चलाउने र वडा न ६ बिरपथ घर भई गैरीटाड बजारमा खुद्रा पसल सचालन गर्दै आएका ५९ वर्षिय कलम शाही पक्राउ परेका हुन् । उनीहरु दुवै जनाले लागुऔषधको ओसारपसार र कारोवार गरीरहेको सुचनाको आधारमा खानतलासी गर्दा चलाउनेको साथबाट लागुऔषध चरेस जस्तो देखिने ठोस पदार्थ १ सय ३२ ग्राम र शाहीको साथबाट चरेश १ सय १४ ग्राम बरामद गरिएको प्रहरीले जनाएको छ ।
अस्थायी प्रहरी पोष्ट गैरीटाड र जिल्ला प्रहरी कार्यालयबाट खटिएको संयुक्त प्रहरी टोलीले उनीहरुलाई लागुपदार्थ सहित पक्राउ गरेको हो । पक्राउ परेकोलाई हिरासतमा राखी थप अनुसन्धान सुरु गरिएको अछाम प्रहरीले जनाएको छ ।
