भदौ ८ अछाम
जिल्ला प्रहरी कार्यालय अछाममा कार्यरत एकजना प्रहरी सहायक हवल्दारको मृत्यु भएको छ । मंगलसेन नगरपालिका ८ ओलिगाउँका ३६ वर्षिया प्रहरी सहायक हवल्दार टंकबहादुर बोहरा मृत्यु भएको हो । उनी बझाङ अपराध अनुसन्धान समुह दरबन्दी भई जिल्ला प्रहरी कार्यालय अछाममा कार्यरत थिए । आज दिउसो कार्यालयको नागरिक सहायता कक्षमा डिउटीमा रहेको अवस्थामा एक्कासी बेहोस भई ढलेका बोहरालाई उपचारका लागी जिल्ला अस्पताल पुर्याईएको थियो । उपचारको क्रममा बोहराको मृत्यु भएको जिल्ला प्रहरी कार्यालय अछामका डीएसपी ईश्वरी प्रसाद भण्डारीले जानकारी दिए ।