अछाम : अछाममा भिरबाट खसेर एक पुरुषको मृत्यु भएको छ ।
बिहिवार जिल्लाको पञ्चदेवल बिनायक नगरपालिक ५ लयाटीका ४५ वर्षिय कमलबहादुर शाहीको भिरबाट खसेर मृत्यु भएको जिल्ला प्रहरी कार्यालय अछामका प्रमुख प्रहरी नायब उपरीक्षक इश्वरी प्रसाद भण्डारीले जानकारी दिए ।
शाही आफ्नै खेतबारीमा काम गरी घर फर्कने क्रममा घरबाट अन्दाजी ५०० मिटर टाढा रहेको बडरुखको भिरबाट खसेर १०० मिटर तल खसेका थिए ।
लडेर घाईते भएको उनको उपचारको लागि दैलेख जिल्लाको राकम लैजाने क्रममा बाटोमै मृत्यु भएको भण्डारीले बताए । शब पोस्टमार्टमका लागि जिल्ला अस्पताल मंगलसेन ल्याइएको छ ।
