दाङ : दाङमा बुहारीली आफ्नै ससुराको गोठमा आगजनी गरेकी छ्न । दाङको बङलाचुली गाउँपालिका–५ मा ७३ वर्षीय ओबिराम घर्तीको गोठमा उनकी बुहारी २६ वर्षीया खेमा घर्तीले गोठमा आगजनी गरेको प्रहरीले जनाएको छ ।
घरायसी विवादको कारण राति खेमाले ससुराको गोठमा आगजनी गरेकी हुन । उनलाई प्रहरीले पक्राउ गरेको छ । आगलागीबाट गोठ पूर्ण रूपमा जलेर नष्ट भएको इलाका प्रहरी कार्यालय कमिरेचौरले जनाएको छ । आगलागीबाट ३ लाख ५० हजार रूपैयाँ बराबरको क्षति भएको अनुमान गरिएको छ । घटनाको विषयमा थप अनुसन्धान भइरहेको प्रहरीले जनाएको छ ।
